Ipuina mugaldean dago. Poesiaren eta nobelaren artean, fantastikoaren eta errealismoaren artean, ohikoaren eta ezohikoaren artean, tradizioaren eta abangoardismoaren artean. Agian mugaldeen dagoena da, genero literarioen artean. Baina, aldi berean, naturalena izaten jarraitzen du, hobekien egokitzen dena gizakion kontatzeko grinaren neurrira. Eta, ondorioz, gehien batzen gaituena, apika gizakion arteko mugak apurtzeko ahalmen handiena duena oraindik ere.
2024ko programa: Bazen behin ipuin bat, bazen behin esanez hasten zena
Ipuin Literarioen Nazioarteko Jaialdia 1. edizioa 2024ko martxoaren 13tik 16ra egin zen. Bideo hau egun horietan gertatu zenaren lagin txiki bat da.
Gasteizko Ipuin Literarioaren Nazioarteko Jaialdian, ipuin garaikidearen maisu-maistra handiek XXI. mendeko lehen laurden honetan ipuinaren goraldiaren gakoak argitzen lagundu ziguten. Izen klasikoek lagundu ziguten ibilbide literario honetan, Ignacio Aldecoa gidari eta anfitrioi dugula.
